Në kuadër të projektit të financuar nga Program ii Granteve të Vogla të Komisionit për Demokraci/ Sektori i Marrëdhënieve me Publikun të Ambasadës së SHBA –së në Tiranë dhe nga Agjensia Austriake për zhvillim (ADC), gjatë periudhës Prill 2013-Korrik 2013.
Ju jeni i zgjedhur të na përfaqësoni! Ju drejtohemi për një vëmendje më të lartë ndaj mjedisit ku jetojmë!- Kjo ishte një ftesë për kandidatët për deputet, për t i dhënë vlerë mjedisit natyror në Shqipëri, Kjo nismë për të gjelbëruar zgjedhjet ka qenë një përpjekje e vazhdueshme për të sjellë në vëmendje të kandidatëve të ndryshëm mjedisin. Qendra EDEN së bashku me Shoqatat: Mbrojtja e Mjedisit Natyror Berat; Qendra e Informacionit Aarhus-Shkodër, Klubi Ekologjik Elbasan, Në Mbrojtje të Jetës dheEkosistemit në zonën përreth fabrikës Titan-Borizan- Fushë Krujë, ka sjellë në vëmendje të gjerë Mjedisin. Fushat e punës së këtij projekti konsistuan në
1) Informim dhe pjesëmarje publike;
2) Edukim mjedisor;
3) Praktikat e Menaxhimit Mjedisor;
Mesazhi i këtij projekti, pavarësisht se ai u fokusua në 4 qarqe të Shqipërisë, ofroi alternative për problematikat e ngritura, të vlefshme edhe në rang vendi.
“Nëse për ju mjedisi ku jetoni është po aq i rëndësishëm sa ç është për ne, REAGONI! “ – ishte mesazhi i përcjellë nga ky projekt.
